”ჰო და არა”

მთავარი

ამერიკელი სტუმარი ''ჰო და არაში''

17.07.10 წ.

დღეს, საღამოს 6 საათზე, ''ჰო და არას'' ოფისში სტუმრად აშშ-ის საელჩოს წარმომადგენლები იმყოფებოდნენ

_ საელჩოს განათლების, კულტურის, პრესის და ინფორმაციის განყოფილების უფროსი სინტია უიტლსი, მისი თანაშემწე ინფორმაციის დარგში ნანა კიკნაძე და საგრანტო პროგრამების კოორდინატორი ნინო გაგუა. სტუმრებს გაზეთის გამომცემელმა და რედაქტორმა, ნონა გიგინეიშვილმა გააცნო ''ჰო და არას'' მუშაობის სპეციფიკა. სტუმრებმა აღფრთოვანება ვერ დამალეს გაზეთის გავრცელების ქსელის შესახებ მიღებული ინფორმაციის გამო. მათ დაათვალიერეს ''ჰო და არას'' ახალი სტამბა, ასევე დაესწრნენ გაზეთის დღევანდელი ნომრის ბეჭდვას. ამერიკელმა სტუმარმა ქართველ კოლეგებთან ერთად უპასუხა ''ჰო და არას'' რედაქტორისა და ჟურნალისტების მიერ დასმულ კითხვებს. დასასრულ ამერიკელმა სტუმარმა გაზეთის რედაქციას წარმატებები უსურვა და უახლოეს სემინარებზე მიგვიპატიჟა.